tut.by
Staršynia Savieta pa raźvićci pradprymalnictva Piatro Prakapovič raić pradprymalnikam nie čakać, što ŭrad dazvolić im biesterminova handlavać astatkami tavaraŭ.
Ab hetym jon zajaviŭ 19 lutaha na pasiadžeńni savieta ŭ Minsku.
Prapanova dazvolić pradprymalnikam realizoŭvać zaviezieny da 1 lipienia 2014 hoda tavar biez abmiežavańnia terminaŭ prahučała siońnia ŭ čas pasiadžeńnia. U jakaści adnaho z arhumientaŭ była nazvana niemahčymaść chutkaj realizacyi niekatorych hrup tavaraŭ.
Piatro Prakapovič pahadziŭsia, što niekatoryja pytańni, jakija siońnia ahučvajucca pradprymalnikami, sapraŭdy majuć abjektyŭny charaktar i majuć prava na razhlad.
«Ale havaryć ad tym, što za 8 miesiacaŭ, jakija minuli paśla 1 lipienia, nie realizavany najaŭny tavar - heta vyklikaje pytańni, - ličyć kiraŭnik savieta. - Kali ŭ pradprymalnika było 10 adzinak tavaru 8 miesiacaŭ tamu, i jon ich nie pradaŭ, jon pavinien byŭ užo abankrucicca. Tamu stavić pytańni ab biesterminovaj realizacyi astatkaŭ isnujučych tavaraŭ niesurjozna», - padkreśliŭ Piotr Prakapovič.
Pavodle jaho słoŭ, niekatoryja pytańni pradprymalnikaŭ jašče buduć razhledžany ŭradam, adnak jon paprasiŭ usio ž realna hladzieć na rečy.
Jak paviedamlałasia, z 1 sakavika realizacyja indyvidualnymi pradprymalnikami astatkaŭ tavaraŭ, uviezienych u Biełaruś z terytoryi dziaržaŭ - členaŭ Mytnaha sajuza da 1 lipienia 2014 hoda biez dakumientaŭ, što paćviardžajuć ich nabyćcio (pastupleńnie), nie dapuskajecca. Za realizacyju tavaraŭ z parušeńniem umoŭ, praduhledžanych ukazam numar 222, dla indyvidualnych pradprymalnikaŭ ustanoŭlena administracyjnaja adkaznaść u vyhladzie štrafu ŭ pamiery da 50 bazavych vieličyń z kanfiskacyjaj tavaraŭ, vyručki, atrymanaj ad realizacyi tavaraŭ, abo biez kanfiskacyi.
Da 1 sakavika pradprymalniki majuć prava ažyćciaŭlać roźničny handal astatkami tavaraŭ z vypłataj adzinaha padatku. Pry hetym da staŭki prymianiajecca pavyšajučy kaeficyjent 2 niezaležna ad udzielnaj vahi astatkaŭ tavaraŭ u ahulnym asartymiencie, a taksama padatku na dabaŭlenuju vartaść u fiksavanaj sumie. Indyvidualnyja pradprymalniki vyličvajuć i vypłačvajuć padachodny padatak ź fizičnych asob abo padatak pry sproščanaj sistemie padatkaabkładańnia, a taksama «ŭvazny» padatak na dabaŭlenuju vartaść pa staŭkach, ustanoŭlenych zakanadaŭstvam, zychodziačy z koštu nabytych astatkaŭ tavaraŭ
