Biełaruś pavinna adstojvać svaje intaresy ŭ JEAES, zajaviŭ siońnia pieršy namieśnik premjer-ministra Biełarusi Vasil Maciušeŭski na pašyranym pasiadžeńni pastajannaj kamisii Pałaty pradstaŭnikoŭ Nacyjanalnaha schodu Biełarusi pa dziaržaŭnym budaŭnictvie, miascovym samakiravańni i rehłamiencie.
Pieršy vice-premjer adznačyŭ, što, na dumku rasijskich kaleh, Biełaruś dosyć aktyŭna prysutničaje na rynku Rasii, u toj čas jak na biełaruski rynak rasijskija pradpryjemstvy vyjści nie mohuć z tych abo inšych pryčynach.
«Praŭda dzieści pasiaredzinie. Naturalna, Rasija, asabliva ŭ takich niaprostych umovach, vykarystoŭvaje ceły kompleks mier dla padtrymki ŭłasnych vytvorcaŭ — jak taryfnyja mietady, tak i inšyja sposaby. Tamu my pastajanna dyskutujem z rasijskimi kalehami. Prostaha rašeńnia nie budzie, ale my pavinny być nastojlivymi i adstojvać svaje intaresy», — padkreśliŭ Vasil Maciušeŭski.
