Mižnarodnaje rejtynhavaje ahienctva Moody's paniziła suverenny kredytny rejtynh Rasii na adnu prystupku — z uzroŭniu «Baa3» da śpiekulatyŭnaha «Ba1» ź niehatyŭnym prahnozam, havorycca ŭ relizie arhanizacyi.
«Praciahvajecca kryzis na Ukrainie, niadaŭniaje padzieńnie cenaŭ na naftu, a taksama źnižeńnie kursu rubla buduć u dalejšym padryvać mahčymaści ekanamičnaha rostu Rasii ŭ siarednieterminovaj pierśpiektyvie», — kaža Moody's.
«Niehatyŭny prahnoz adlustroŭvaje patencyjał dalejšych bolš surjoznych palityčnych ci ekanamičnych uzrušeńniaŭ, źviazanych jak z vajennym kanfliktam va Ukrainie, tak i ŭ suviazi z adnaŭleńniem źnižeńnia cenaŭ na naftu», — pišuć prahnazisty.
U mietadałohii Moody's rejtynh «Ba1» adnosicca da śpiekulatyŭnaj katehoryi.
U pačatku hoda rejtynhavaje ahienctva Fitch źniziła suvierenny rejtynh Rasii da «VVV-«. Praz tydzień ahienctva Moody's paniziła rejtynh rasijskich dziaržablihacyj da «Baa3», źmiaściŭšy jaho ŭ śpis na pierahlad u bok panižeńnia. Takim čynam, Fitch i Moody's źmiaścili rejtynhi Rasii na nižniuju prystupku inviestycyjnaj katehoryi. Pry kancy studzienia ahienctva S&P pieršym paniziła suvierenny rejtynh Rasii da «śpiekulatyŭnaha» ŭzroŭniu «VV+» ź inviestycyjnaha «VVV-«.
Ministr finansaŭ Rasii Siłuanaŭ u terminovaj razdražnionaj zajavie śćvierdziŭ, što Moody's kiravałasia palityčnymi matyvami.
