Na historyka-fiłałahičnym fakultecie Połackaha dziaržaŭnaha ŭniviersiteta. Fota budzma.by
Va ŭstanovach vyšejšaj adukacyi na biełaruskaj movie vučacca 0,3 tys. studentaŭ (0,1%), na ruskaj i biełaruskaj movach — zvyš 149 tys. studentaŭ (41%), na ruskaj movie — kala 212 tys. (58%). Takija źviestki apublikavaŭ Nacyjanalny statystyčny kamitet u ahladzie da Mižnarodnaha dnia rodnaj movy, jaki adznačajecca 21 lutaha.
Sioleta ŭ navučalnych ustanovach daškolnaj adukacyi na biełaruskaj movie vychoŭvajucca 43 tys. dziaciej (10%), na ruskaj movie — amal 368 tys. dziaciej (90%).
U 2014/2015 navučalnym hodzie ŭ dzionnych ustanovach ahulnaj siaredniaj adukacyi ŭsie pradmiety na biełaruskaj movie vyvučajuć zvyš 135 tys. vučniaŭ (14%), na ruskaj movie — kala 811 tys. (86%).
Va ŭstanovach siaredniaj śpiecyjalnaj adukacyi na biełaruskaj movie navučajucca 0,3 tys. navučencaŭ (0,2%), na ruskaj i biełaruskaj movach — prykładna 22 tys. navučencaŭ (17%), na ruskaj movie — prykładna 107 tys. (83%).
Jak zaznačyli ŭ Biełstacie, va ŭstanovach daškolnaj adukacyi Hrodzienskaj vobłaści pracujuć dźvie roznaŭzrostavyja hrupy: adna — na litoŭskaj movie (14 dziaciej), druhaja — na polskaj (18 dziaciej). U Bresckaj i Hrodzienskaj abłaściach u troch ustanovach ahulnaj siaredniaj adukacyi vykładańnie viadziecca na polskaj movie (817 vučniaŭ) i ŭ adnoj — na litoŭskaj (59 vučniaŭ). U 64 škołach respubliki polskuju movu jak samastojny pradmiet, fakultatyŭna abo ŭ hurtkach vyvučajuć zvyš 3,2 tys. vučniaŭ, jaŭrejskuju — 0,3 tys. vučniaŭ.
