8:08
U naminacyi «najlepšy film» pieramoh «Biordmen» Alechandra Hansalesa Injarytu. «Biordmen» taksama ŭdastoiŭsia jašče troch naminacyj: jak najlepšaja režysiorskaja praca, najlepšaja apieratarskaja praca (Emanueł Lubiecki) i najlepšy aryhinalny scenaryj.
Były akcior Ryhan Tompsan, jaki niekali syhraŭ rolu papularnaha supierhieroja Biordmena, ciapier vyrašaje ŭziać udzieł u novaj bradviejskaj pastanoŭcy, kab viarnuć sabie byłuju słavu.
Alechandra Hansales Injarytu, LA Times
LA Times
8:05
Zastałosia daviedacca tolki najlepšy film. Na zvańnie najlepšaha filma 2014 hoda pretendujuć vosiem karcin. Heta «Snajpier» Klinta Istvuda — samy kasavy «oskaraŭski» film hetaha hoda, «Biordmen», «Małalectva», «Hatel «Hrand Budapiešt», «Hulnia ŭ imitacyju», «Sielma», «Suśviet Styviena Chokinha» i «Apantanaść».
7:50
Najlepšaja žanočaja rola — Džulijana Mur («Usio jašče Elis»), heta naohuł pieršy «Oskar» aktrysy.
LA Times
7.45
Najlepšaja mužčynskaja rola — Edzi Redmejn «Suśviet Styviena Chokinha»
Edzi Redmejn, AFP
Najlepšaj režysiorskaj pracaj pryznany Alechandra Hansales Injarytu ź jaho «Bierdmanam»
07:39
Pryz za najlepšy aryhinalny scenar atrymaŭ «Biordmen».
07:05
Pryz u naminacyi «najlepšy film na zamiežnaj movie» atrymała «Ida» polskaha režysiora Paŭła Paŭlikoŭskaha.
Siarod piaci naminantaŭ na «Oskar» byŭ i rasijski film «Levijafan» Andreja Źviahincava.
«Žyćcio poŭnaje siurpryzaŭ», — prakamientavaŭ rašeńnie žury Pavieł Paŭlikoŭski, paśla taho jak Nikol Kidman nazvała pieramožcu.
Dziejańnie «Idy» adbyvajecca ŭ Polščy 1960 hoda. Hałoŭnaja hierainia karciny — maładaja dziaŭčyna Hanna — sirata, jakaja praviała dziacinstva ŭ katalickim klaštary. Jana źbirajecca pryniać zarok i stać manaškaj, kali daviedvajecca, što jana — habrejka, jakuju addali ŭ manastyr, kab vyratavać ad nacystaŭ u časie Druhoj suśvietnaj vajny.
Pryz za najlepšy poŭnamietražny animacyjny film atrymaŭ «Horad hierojaŭ», jaki nie ličyŭsia favarytam. Mnohija stavili na «Jak pryručyć drakona-2». Ale «Horad hierojaŭ» — vielmi miły i kłasny mult, lepšy, čym «Drakony».
Najlepšaj karotkamietražkaj staŭ multfilm «Mieniu», jaki demanstravaŭsia ŭ kinateatrach pierad asnoŭnym multfilmam.
Džej Kiej Simans atrymaŭ pryz u naminacyi «Najlepšaja rola druhoha płana» ŭ filmie «Apantanaść».
Najlepšy dakumientalny film — pra Edvarda Snoŭdena (Hramadzianin čatyry), najlepšaja pieśnia — «Glory» ź filma «Sielma».
Najlepšaja pieśnia — Glory ź filma «Siełma», jaki raspaviadaje pra rasavyja prablemy ŭ 1960-ja i Marcina Lutera Kinha.
Pieśniu vykonvajuć repiery Koman i Džo Ledžend.
Pryz za najlepšuju muzyku atrymaŭ Alaksandr Depła («Hrand Budapiešt»).
U naminacyi «Najlepšy hulniavy karotkamietražny film» premiju atrymaŭ «Telefonny zvanok» režysiora Mata Kirbi.
Pieramožcam u naminacyi «Najlepšy dakumientalny karotkamietražny film» staŭ «Telefon davieru dla vieteranaŭ», źniaty Elen Huzienbierh Kient i Danaj Pery.
Uznaharodu za najlepšy dyzajn kaściuma atrymała Milena Kananiera z «Hatela «Hrand-Budapiešt».
Hety ž film atrymaŭ jašče adzin «Oskar»: jon byŭ prysudžany Frensisu Chenanu i Marku Koljer za najlepšy hrym i pryčoski.
Aficyjna abvieščanyja taksama ŭładalniki hanarovych «Oskaraŭ» — francuz Žan-Kłod Karjer, japoniec Chajaa Mijadzaki i irłandka Moryn O'Chara.