Pra heta havorycca ŭ zvarocie prezidenta Ukrainy Piatra Parašenki da ŭkrainskaha narodu ŭ suviazi z hadavinaj trahičnych padziej u Krymie.
«Ukraina nikoli nie admovicca ad svaich suvierennych pravoŭ na Krym, budzie abaraniać usimi dastupnymi srodkami pravy ludziej, jakija tam žyvuć. U hetym pytańni isnuje poŭny kansensus pamiž ukrainskaj uładaj, palitykami i hramadzianskaj supolnaściu. U hetym my majem absalutnuju padtrymku dziaržaŭ śvietu i ŭsich mižnarodnych arhanizacyj», — havorycca ŭ zvarocie.
Parašenka taksama nahadaŭ pra tak zvany «refierendum» u Krymie.
«Roŭna hod tamu adbylisia padziei, jakija ŭ XXI st. ciažka zrazumieć lubomu cyvilizavanamu čałavieku.
Čałaviectva stała śviedkam cyničnych dziejańniaŭ, nakiravanych na hvałtoŭny zachop Kryma — nieadjemnaj častki ŭkrainskaj dziaržavy. Tak zvany refierendum, abvieščany i praviedzieny adnačasova z maštabnym uvarvańniem na krymskuju ziamlu rasijskich vajskoŭcaŭ, byŭ ničym inšym, jak farsam, zaklikanym prykryć adkrytuju ahresiju Rasii suprać Ukrainy», — havorycca ŭ zvarocie.
«Naša dziaržava ni ŭ jakim razie nie pryznaje vynikaŭ hetaha nikčemnaha akta, praviedzienaha nasupierak mižnarodnamu pravu i nacyjanalnamu zakanadaŭstvu Ukrainy.
Tym bolš, što pieravažnaja častka žycharoŭ Kryma, pierš za ŭsio krymskija tatary i ŭkraincy, vykazali aktyŭny bajkot hetym palityčnym šou, zachavaŭšy svaju addanaść Ukrainie «, - dadaŭ Parašenka.
