Prahrama dziejnaści ŭrada Biełarusi na 2015 hod zaćvierdžanaja pastanovaj Savieta ministraŭ № 110 ad 18 lutaha.
Jak paviedamlaje pres-słužba ŭrada, dakumient składajecca ź siami raździełaŭ i achoplivaje ŭsie kirunki dziejnaści ŭrada. U kožnym raździele ŭkazvajucca kankretnyja mety, zadačy, miechanizmy realizacyi i adkaznyja vykanaŭcy. Asobnyja raździeły adviedzienyja asnoŭnym kirunkam rehijanalnaj palityki, zachavańniu i ŭmacavańniu čałaviečaha patencyjału, a taksama arhanizacyi ekanamičnaj biaśpieki krainy.
Hałoŭnaj metaj dziejnaści ŭrada na hety hod vyznačanyja zabieśpiačeńnie makraekanamičnaj i sacyjalnaj stabilnaści va ŭmovach narastańnia źniešnich vyklikaŭ i pahroz, jakasnaje zaviaršeńnie najaŭnaj piacihodki i stvareńnie ŭmoŭ dla dynamičnaha ekanamičnaha raźvićcia Biełarusi ŭ 2016—2020 hadach i doŭhaterminovaj pierśpiektyvie. U liku najvažniejšych metaŭ prahramy — praviadzieńnie efiektyŭnaj makraekanamičnaj i hrašova-kredytnaj palityki, madernizacyja sistemy dziaržaŭnaha rehulavańnia ekanomiki, raźvićcio kankurencyi, małoha i siaredniaha pradprymalnictva, naroščvańnie i dyviersifikacyja ekspartu, paśladoŭnaje pahłybleńnie intehracyi ŭ miežach Jeŭrazijskaha ekanamičnaha sajuza, raspracoŭka prahramy sacyjalna-ekanamičnaha raźvićcia krainy na 2016—2020 hady.
«Uradam i Nacyjanalnym bankam padrychtavanyja scenarnyja prahnozy raźvićcia ekanomiki krainy na hety hod u zaležnaści ad cany na naftu i dynamiki kursu rasijskaha rubla, jakija źjaŭlajucca najbolš niepradkazalnymi paramietrami, što ŭpłyvajuć na makraekanamičnuju situacyju ŭ Biełarusi, — paviedamlaje pres-słužba. — Dla kožnaha sa scenaryjaŭ raspracavanyja miery reahavańnia i ekanamičnaj bałansiroŭki».
Mierapryjemstvy prahramy majuć charaktar pramoha dziejańnia i nie patrabujuć raspracoŭki dadatkovych płanaŭ pa ich realizacyi na ŭzroŭni ŭrada, padkreślili ŭ pres-słužbie.
