Narodnamu artystu SSSR i deputatu Dziarždumy Iosifu Kabzonu było prysvojena hanarovaje zvańnie «narodnaha artysta Łuhanskaj narodnaj respubliki (ŁNR)» i Orden dobleści.
TASS
«Vaš pryjezd natchniŭ nas na mnohaje, tamu što vy vychavali patryjotaŭ», — adznačyŭ staršynia Narodnaha savieta «ŁNR» Alaksiej Karakin, abviaščajučy ab prysvajeńni Kabzonu zvańnia narodnaha artysta sa sceny Pałaca kultury imia Lenina ŭ Łuhansku, dzie prachodzić kancert rasijskaha vykanaŭcy.
Kiraŭnik «ŁNR» Ihar Płatnicki ŭručyŭ Kabzonu Orden dobleści druhoj stupieni. «Ci vałodaje Iosif Kabzon takimi jakaściami, jak stojkaść, mužnaść, samaachviarnaść i vysakarodnaść?» — spytaŭ pry hetym Płatnicki ŭ hledačoŭ. Publika vykazała poŭnuju zhodu z hetym i pryvitała słovy kiraŭnika «ŁNR» burnaj i praciahłaj avacyjaj, paviedamlaje TASS.
Taksama Płatnicki vykazaŭ nadzieju na toje, što «9 traŭnia, kali Rasija budzie adznačać hadavinu pieramohi ŭ Vialikaj Ajčynnaj vajnie, ŁNR zmoža sustreć svaju pieramohu», i zaprasiŭ na hetaje śviata Iosifa Kabzona.
Kabzon prybyŭ u Łuhansk, kab dać z nahody Dnia abaroncy Ajčyny dva kancerty. Paźniej jon adpravicca z kancertnaj prahramaj u Danieck.
***
Čytajcie taksama: Minkult Rasii nie bačyć u Jeŭropie «zorak» uzroŭniu Kabzona