U Biełarusi ad 1 sakavika prypynienyja apieracyi pa elektronnych kašalkach, ułaśniki jakich nie prajšli praceduru identyfikacyi.
U adpaviednaści z dekretam №6 ad 28 śniežnia 2014 hoda «Ab nieadkładnych mierach pa supraćdziejańni niezakonnamu abarotu narkotykaŭ» ŭładalniki elektronnych kašalkoŭ i klijenty, jakija ich adkryvajuć, padlahajuć abaviazkovaj identyfikacyi. Tyja, chto nie paśpieŭ identyfikavacca da 1 sakavika, mohuć ŭładzić usie farmalnaści i paśla hetaj daty. Prajści identyfikacyju možna ŭ adździaleńniach bankaŭ, jakimi adkryty elektronny kašalok, paśla čaho jon budzie razbłakvany.
U 2014 hodzie ŭ Biełarusi elektronnyja hrošy ŭ abaračeńnie vypuskali vosiem bankaŭ. U ich liku Biełhazprambank (elektronnyja hrošy sistem EasyPay «Bierlijo», «MTS Hrošy»). Akramia taho, hety bank pahašaŭ elektronnyja hrošy nierezidentaŭ sistem «Rośbierlio-Kart», «Krismar». Z elektronnymi hrašyma pracavali Technabank (na techničnaj płatformie sistemy WebMoney Transfer), Parytetbank (iPay), IntierPejBank (W1 Bel), Trastbank (iPay), Pryorbank (Belqi, «OSMP», iPay).
Što tyčycca pradapłočanych kartak, to ich emisijaj zajmalisia Pryorbank, Bielinviestbank i Biełarusbank. U Pryorbanku infarmujuć klijentaŭ, što 1 sakavika ŭsie pradapłočanyja padarunkavyja karty buduć zabłakavanyja. U banku abiacajuć dadatkova paviedamić ab dalejšaj pracy ź imi. U Bielinviestbanku ananimnyja padarunkavyja karty zabłakavali jašče 27 lutaha. Adnak tut paśla praviadzieńnia identyfikacyi trymalnika, karta budzie razbłakavanaja. Biełarusbank prypyniŭ prodaž padarunkavych kartak u śniežni 2014 hoda.
