Češskaja antyvirusnaja kampanija AVG pradstaviła akulary, jakija abaroniać ŭładalnika ad sistem raspaznavańnia tvaraŭ na fota, raspaviadaje Engadget.
Najbolš viadomaja funkcyja raspaznavańnia tvaraŭ u sacyjalnaj sietcy Facebook. Tam jana zdolnaja paznać znajomaha na fota navat na vialikaj adlehłaści. Niekatoryja karystalniki nie žadajuć, kab ich tvary aŭtamatyčna paznačalisia na fota. Mienavita dla ich prapanavanyja akulary ad AVG.
Akulary majuć niekalki śvietładyjodaŭ, što śvieciać u infračyrvonym dyjapazonie. Čałaviečaje voka nie pabačyć taho śviatła, ale kamiery jaho zafiksujuć jak biełaje. Ad fota z uspyškaj baronić śvietłaadbivalnaje pakryćcio nakštałt taho, što vykarystoŭvajecca ŭ flikierach.
Fota biez uspyški
Fota z uspyškaj
Akulary pakul pradstaŭlenyja jak pratatyp, čas pastupleńnia ŭ prodaž i rynkavaja cana nie paviedamlajucca.
Sistemy raspaznavańnia tvaraŭ u niekatorych krainach mohuć vykarystoŭvacca palicyjaj i śpiecsłužbami, ale zakony nie zabaraniajuć karystacca padobnymi vysokatechnałahičnymi «kontrmierami».
