Adpaviednyja zadačy A. Šorac pastaviŭ pierad DVA «Minskbud» siońnia na apieratyŭnaj naradzie ŭ Minskim haradskim vykanaŭčym kamitecie. «Heta znakavyja abjekty, nielha zaciahvać ich budaŭnictva», — padkreśliŭ A. Šorac.
Pa słovach hienieralnaha dyrektara DVA «Minskbud» Mikałaja Miłašeŭskaha, ciapier na budaŭnictvie kompleksu «Łazuryt» raskansiervavany adzin padjomny kran, padadzienaja elektraenierhija, idzie zamiena baneraŭ i pryjomka abjekta ad papiaredniaj padradnaj arhanizacyi.
«Ale, na žal, sutyknulisia ź vialikaj prablemaj: praviedzienaje papiarednim padradčykam abśledavańnie i dapuščany brak nie dajuć mahčymaści vykonvać tam pracy, - adznačyŭ M. Miłašeŭski. - Treba pieraprajektoŭvać uzmacnieńnie kanstrukcyj žalezabietonu, vyrabić dadatkovyja raźliki».
Dla adnaŭleńnia budaŭnictva moža spatrebicca kala 1,5 miesiaca. Staršynia Minharvykankama daručyŭ maksimalna paskoryć padrychtoŭku novaha prajekta.
Pracy ž pa budaŭnictvie raźviazki na vuł. Filimonava pačnucca paśla atrymańnia ŭsich nieabchodnych dakumientaŭ, zapeŭniŭ hiendyrektar DVA «Minskbud».
