Jaŭhien Šadko naradziŭsia ŭ Barysavie ŭ 1987 hodzie. Vučyŭsia u MDMK imia Hlebava (Minsk) i va Ŭniviersitecie imia Kapiernika (Toruń, Polšča), udzielnik piersanalnych i hrupavych vystaŭ u Biełarusi, Polščy i ZŠA.
U prajekcie Escape ŭsio ekspazicyjnaje pamiaškańnie halerei i sami hledačy stalisia tvorami mastactva. Mastak skarystoŭvaje kancepcyju vystaŭnoj prastory «biełaha kuba» jak simvał žyćciovych situacyj, u jakoj čałaviek zrabiŭsia zaručnikam vonkavych abstavin, jakija jon nie ŭ zmozie pamianiać. Trapialučy ŭ «bieły kub», hladač vymušany «hulać» zadadzienyja zvonku roli: žyvoj statui, mastackaha tvora. I rabić toje jon pavinny ŭ momant, kali staić abo ruchajecca ŭ prastory, i adnačasova być hledačom, nazirajučy za rucham inšych naviednikaŭ. Videa-instalacyja, u svaju čarhu, prymušaje hledača, u dadatak da pieraličanych vyšej rolaŭ, rabicca niabačnym naziralnikam hetaksama jak u Panoptykumie (prajekt idealnaj turmy Jeramii Bientama, dzie adzin vartaŭnik moža cikavać za ŭsimi viaźniami adnačasova).
Halereja «Ŭ» vykazvaje ŭdziačnaść Kniharni ŁohvinaŬ za dapamohu ŭ padrychtoŭcy teksta da vystavy.
Adkryćcio vystavy adbudziecca 11 sakavika a 19.00 hadzinie.
Uvachod volny!
