Ministerstva achovy zdaroŭja vydała zahad, jakim ŭstanaŭlivaje poŭny kantrol nad tym, ci vypisvajuć daktary biełaruskija leki. Manitorynh pryznačeńniaŭ budzie ažyćciaŭlacca štomiesiac. Apteki ŭ krokavaj dastupnaści ad centralnych paliklinik, balnic, dyspansieraŭ abaviazali davać spravazdaču pra vypisku miedykami ajčynnych preparataŭ.
bymedia.net
Tekst zahadu źjaviŭsia ŭ internecie.
Zhodna z dakumientam, u kožnaj arhanizacyi achovy zdaroŭja pryznačać čałavieka, adkaznaha za pracu z pradstaŭnikami biełaruskich farmaceŭtyčnych pradpryjemstvaŭ. Kožny tydzień na naradach buduć paviedamlać daktaram ab biełaruskich lekach, jakija jość u aptekach.
Akramia taho, štomiesiac u arhanizacyjach vyvučać, ci pryznačali pacyjentu biełaruskija miedykamienty pry kansultacyjach (śpiecyjalistaŭ paliklinik, supracoŭnikaŭ kafiedraŭ) i pry vypiscy z balnic.
U Ministerstva achovy zdaroŭja buduć nakiroŭvać prapanovy pa raspracoŭcy novych lekaŭ, a ŭ Centr ekśpiertyz i vyprabavańniaŭ u achovie zdaroŭja — infarmacyju ab nieefiektyŭnych i niajakasnych srodkach i niepažadanych reakcyjach na ich vykarystańnie.
Ministerstva achovy zdaroŭja svaim zahadam abaviazvaje nie tolki prasoŭvać biełaruskija preparaty, ale i «čyścić» pracoŭnyja miescy daktaroŭ ad łahatypaŭ impartnych vytvorcaŭ lekaŭ. A miedycynskich pradstaŭnikoŭ našych vytvorčaściaŭ zahadvaje zabiaśpiečyć infarmacyjnymi i daviedačnymi materyjałami dla raspaŭsiudu.
Arhanizacyi achovy zdaroŭja za mierapryjemstvy pa papularyzacyi biełaruskich srodkaŭ buduć prastymulavanyja (atrymajuć tavarnuju źnižku i h.d.)
Zahadam płanujuć uvieści ŭ praktyku narady, na jakich pastajanna buduć aceńvać dynamiku i pracent rostu prodažaŭ biełaruskich lekaŭ u dziaržaŭnych i pryvatnych aptekach.