U siecivie źjaviŭsia trejler ukrainskaha sieryjała «Hvardyja», jaki raspaviadzie historyju pra ŭdzielnikaŭ Majdanu i prafiesijnych vajskoŭcaŭ z byłych unutranych vojskaŭ, jakija razam vajujuć suprać rasijskaj ahresii.
Pavodle siužetu vielmi roznyja ludzi apynulisia ŭ šerahach Nacyjanalnaj hvardyi Ukrainy viasnoj 2014 hoda i, niahledziačy na kanflikty, prachodziać padrychtoŭku, a potym razam pralivajuć kroŭ baroniačy dziaržavu.
U sieryjale adnu z hałoŭnych rolaŭ budzie hrać aktor Alaksiej Harbunoŭ, jaki zapomniŭsia šmatlikim hledačam u roli razumnaha i mužnaha karaleŭskaha šuta Šyko ŭ rasijskim sieryjale «Hrafinia de Mansaro».
Ukrainskija kanały paśla pačatku rasijskaj ahresii pastupova admaŭlajucca ad tranślacyi rasijskich sieryjałaŭ pra rasijskich siłavikoŭ i imknucca zamianiać ich ajčynnaj i zachodniaj pradukcyjaj.
Alaksiej Harbunoŭ, jaki naradziŭsia ŭ Kijevie, ale pracavaŭ u asnoŭnym u RF, jašče ŭ studzieni 2014 hoda naviedaŭ Majdan, vykazaŭsia na padtrymku demanstrantaŭ, naviedvaŭ ukrainskich paranienych žaŭnieraŭ u špitalach padčas vajny.
