AFP
Lidary samaabvieščanych Danieckaj i Łuhanskaj narodnych respublik Alaksandr Zacharčanka i Ihar Płatnicki adpaviedna zrabili sumiesnuju zajavu nakont rašeńnia Viarchoŭnaj Rady ab pryznańni Danbasa akupavanaj terytoryjaj.
«Admovaj Danbasu ŭ śpiecyjalnym statusie, Kijeŭ rastaptaŭ dalikatny Minski mir i zavioŭ situacyju ŭ tupik (…) DNR i ŁNR zajaŭlajuć, što nijakija kampramisy z Kijevam niemahčymyja da taho času, pakul nie buduć admienienyja ŭčorašnija haniebnyja rašeńni Piatra Parašenki i Viarchoŭnaj Rady», — havorycca ŭ zajavie.
Zacharčanka i Płatnicki adznačajuć, što pryniataja Radaj pastanova ab uviadzieńni asablivaha statusu ŭtrymlivaje pieralik «tolki tych nasielenych punktaŭ, jakija abaznačajuć liniju sudakranańnia», a nie ŭsioj terytoryi, padkantrolnaj DNR i ŁNR. Heta, na ich dumku, parušaje artykuł 1 zakona Ukrainy ab asablivym statusie.
