U suviazi z novymi abstavinami [majecca na ŭvazie dvuchrazovaje źnižeńnie cany na naftu] «Biełnaftachim» nie imkniecca dasiahnuć cany litra indykatyŭnaha AI-92 u 1 dalar.
Pra heta paviedamiŭ, adkazvajučy na pytańnie pra pierśpiektyvy roźničnaj cany na paliva ŭ Biełarusi, staršynia kancerna Ihar Lašenka.
U ciapierašnich umovach, pa słovach Lašenki, «my hladzim na ceny ŭ sumiežnych krainach i suśvietnuju canu na naftu».
«Pryviazka da kursu dalara była aktualnaja va ŭmovach, kali cana barela nafty znachodziłasia na ŭzroŭni 75 dalaraŭ», — rastłumačyŭ pradstaŭnik «Biełnaftachima».
Ciapier, pa prahnozach Ihara Lašenki, roźničnaja cana na paliva budzie źmianiacca dynamična, i ŭ vypadku, kali cana nafty praciahnie padzieńnie — a suśvietnyja ekśpierty kažuć ledź nie pra miažu ŭ 20 dalaraŭ za barel — to roźničnaja cana paliva «adekvatna budzie źnižacca».