Delfi.lt
Siońnia, 19 sakavika, litoŭskija parłamientaryi praktyčna adnahałosna prahałasavali za viartańnie abaviazkovaha pryzyvu hramadzian krainy na vajskovuju słužbu.
Za viartańnie pryzyvu prahałasavali 112 deputataŭ Siejma, suprać — 3, ustrymalisia — 5.
Ministr abarony Litvy Juozas Alekas padkreśliŭ, što ŭ dadzieny momant kamplektacyja litoŭskaha vojska niedastatkovaja, a prafiesijnymi vajskoŭcami załatać dzirki niemahčyma.
Abaviazkovy pryzyŭ u Litvie viartajecca terminam na piać hadoŭ. Hałoŭnaja pryčyna takoha rašeńnia — źmianieńnie hieapalityčnaj situacyi.
«Vy viedajecie pra padziei va Ukrainie», — skazaŭ Alekas.
Frakcyi Siejma amal adnahałosna padtrymali viartańnie pryzyvu sa svaimi prapanovami.
0
0
0
0
0
0
