yodnews.ru
Supracoŭniki ŭpraŭleńnia FSB pa Sarataŭskaj vobłaści (Rasija) zaprasili na razmovu 14-hadovuju školnicu, jakaja vyjšła na mitynh u honar dałučeńnia Kryma da Rasii ŭ Saratavie z uplecienymi ŭ kosy stužkami ŭ koler ukrainskaha ściaha.
U chodzie hutarki supracoŭniki FSB chacieli vyśvietlić, adkul jana viedaje inšych maładych ludziej, jakija vyjšli na akcyju ź simvolikaj Ukrainy, i damahčysia pryznańnia, što joj nibyta zapłacili za heta.
Pa słovach školnicy (jaje imia nie nazyvajecca), jana adkazała, što vyjšła na akcyju suprać «vajny, žorstkaści i prapahandy» i chacieła padtrymać Ukrainu.
Jana raspaviała vydańniu «Jod», što ŭ čas razmovy ŭ jaje pačałasia isteryka, a paśla razmovy adčuvała siabie zasmučanaj. Nijakich abvinavačvańniaŭ joj nie pradjaŭlali.
