Siensacyja miascovaha masštabu pra toje, jak u zabaŭlalnym centry pad Minskam śpiakli vialiki dvuchmietrovy dranik, achvotna cytavałasia ŭ subotu ŭ internecie i na telekanałach.
Nasamreč da naviedvalnikaŭ zabaŭlalnaha centru Suła vynieśli i pastavili na vohnišča hrecca vialikuju patelniu, zakrytuju źvierchu mietaličnaj kryškaj, na jakuju nakidali vuhollaŭ.
Hučali abjavy, što hety vypiakajecca sam blin. Praź niekalki chvilin patelniu zanieśli u pałatku dla azdableńnia i ŭpryhožvańnia, i tolki paśla hetaha vynieśli na pačastunak publiki.
Pierad tym, jak rezać, praviali demanstratyŭny zamier — akkurat dva mietry u dyjamietry.
Takim čynam, pracesu padrychtoŭki i niepasredna vypiakańnia nichto — ni publika, ni žurnalisty — nie bačyli. Na patelni byli raskładzienyja bliny dyjamietram prykładna 20 sm, zazory pamiž imi byli zakładzienyja čypsami, zielaninaj, hurkami i śmiatanaj.
Śćvierdžańnie, što dranik płanujecca zajavić u knihu rekordaŭ Hinesa — tolki słovy. Na śviacie nie było ni pradstaŭnikoŭ hetaj knihi, ni adpaviednaj fiksacyi rekordu.
