Aktyŭny ŭdzieł Alaksandra Łukašenki ŭ pieramoŭnym pracesie ŭ farmacie «narmandskaha čaćviorki» nadzialiŭ prezidenta Biełarusi całkam novymi jakaściami. Doŭhi čas jaho ličyli «apošnim dyktataram Jeŭropy», jon byŭ svajho rodu palityčnym mifam, a nie aktyŭnym udzielnikam mižnarodnych adnosin. Ciapier ža Baćka hatovy adyści ad ułaścivaha jamu ładu (tym bolš, što na pasadu apošniaha dyktatara znajšoŭsia bolš zasłužany pretendent - Pucin), i pačaŭ jon z taho, što staŭ miedyjataram va ŭkrainska-rasijskim kanflikcie.
Prezident Biełarusi prademanstravaŭ svaju pazicyju va ŭrehulavańni vajenna-palityčnaha kryzisu pamiž Rasijaj i Ukrainaj, padaŭšy Pałac Niezaležnaści ŭ Minsku ŭ jakaści pieramoŭnaj placoŭki i paznačyŭ, što hatovy zrabić heta znoŭ. Takim čynam, jon zadekłaravaŭ žadańnie zrabić svoj układ u adnaŭleńnie miru.
Składana skazać, nakolki mocna svaimi dziejańniami Alaksandr Łukašenka, adzin ź bližejšych partnioraŭ Pucina, ździviŭ hramadskaść, vykazaŭšy padtrymku Ukrainie i ŭkrainskamu narodu. Raniej biełaruski lidar prapahandavaŭ ideju pra toje, što «Biełaruś i Rasija - adzinaje cełaje», adnak u kantekście apošnich padziej tak blizka da miežaŭ jaho dziaržavy prezident Biełarusi vyrazna daŭ zrazumieć, što «adnosiny Minska i Maskvy - heta sajuz, a nie inkarparacyja Biełarusi ŭ Rasieju».
Nastupnym krokam biełaruskaha lidara dla zamacavańnia svaich novych pazicyj na mižnarodnaj palityčnaj arenie, mahła b stać dziejsnaja dapamoha ŭ spravie ŭkrainskaj lotčycy Nadziei Saŭčanki.
U chodzie Minskich pieramovaŭ prezidentam Ukrainy Piatrom Parašenkam ŭzdymałasia pytańnie ab losie ŭkrainki, jakaja ź leta 2014 znachodzicca ŭ rasijskim SIZA - havorka išła ab farmacie amnistyi abo pamiłavańnia. Miesiac, jaki prajšoŭ paśla biesprecedentnych 18-hadzinnych pieramovaŭ pakazaŭ, što Uładzimir Pucin nie śpiašajecca vykonvać uziatyja na siabie abaviazacielstvy, tym samym u čarhovy raz demanstrujučy poŭnuju abyjakavaść da sprobaŭ ŭrehulavać situacyju na Uschodzie Ukrainy. Takoj ža pazicyi rasijski pravadyr prytrymlivajecca i ŭ adnosinach da niezakonnaha pieramiaščeńnia ŭ Rasiju hramadzianki Ukrainy, narodnaha deputata Ukrainy i deputata PARIE ad Ukrainy Nadziei Saŭčanki.
Alaksandru Łukašenku viadoma pra haładoŭku Nadziei i pra toje, što navat niezvarotnaje paharšeńnie jaje zdaroŭja nie zmahło paŭpłyvać na pazityŭnaje rašeńnie jaje spravy ŭ Rasii. Vyraznaja pazicyja Łukašenki ŭ hetym pytańni, a mienavita zaklik da vyzvaleńnia ci chacia b źmieny miesca i ŭmoŭ utrymańnia Nadziei, mahła b vyrašyć situacyju, jakaja skłałasia i tym samym vyratavać žyćcio Nadziei. Sadziejničańnie ŭ vyrašeńni situacyi z Saŭčanka, biezumoŭna, dadało b Łukašenku kozyraŭ ŭ jaho niaprostaj źniešniepalityčnaj hulni, tak što zastajecca spadziavacca, što prezident Biełarusi ŭsio jašče imkniecca vyjhrać u joj. Ci chacia b nie prajhrać.
