Pasolstva Polščy ŭ Biełarusi pazbaviła akredytacyi 38 turystyčnych firm za toje, što jany «nie prajaŭlali vialikaj aktyŭnaści».
Pra heta paviedamiła pres-sakratar polskaj dypmisii Hanna Derska.
«Konsulski adździeł admoviŭsia ad supracoŭnictva z tymi firmami, jakija nie prajaŭlali aktyŭnaści. Niekatoryja z hetych firm z 2013 hoda nie padali nivodnaj ankiety dla atrymańnia vizy, — skazała pres-sakratar. — Tamu pry abnaŭleńni śpisu hetyja firmy byli vyklučanyja».
Derska ŭdakładniła, što śpis akredytavanych pry pasolstvie turystyčnych firm pastajanna abnaŭlajecca. Razam z vyklučeńniem 38 firm u jaho dadali šeść novych kampanij. Usiaho ŭ śpisie akredytavanych pry pasolstvie ciapier bolš za sto turystyčnych firm.
«My chočam, kab u hetym śpisie byli tolki tyja, chto pa-sapraŭdnamu pracuje», — padkreśliła Hanna Derska.