Naminalnaja naličanaja («brudnymi») siaredniamiesiačnaja zarabotnaja płata rabotnikaŭ u Biełarusi ŭ studzieni-lutym 2015 h. skłała 6 069,8 tys. rubloŭ, u tym liku ŭ lutym — 6 129,1 tys. rubloŭ, i pavialičyłasia ŭ paraŭnańni sa studzieniem 2015 h. na 1,8%, abo na 105,9 tys. rubloŭ, paviedamlaje Biełstat.
Realny zarobak (zarabotnaja płata, raźličanaja z ulikam rostu spažyvieckich cen na tavary i pasłuhi) u studzieni-lutym 2015 u paraŭnańni sa studzieniem-lutym 2014 h. źmienšyŭsia na 3,2%, u lutym 2015 h. u paraŭnańni sa studzieniem 2015 pavialičyŭsia na 0,1%.
U lutym 2015 h. u pramysłovaści siaredni zarobak skłaŭ 6 386,6 tys., u budaŭnictvie — 7 002,4 tys., na transparcie i ŭ suviazi — 6 929,9 tys., u sielskaj i lasnoj haspadarcy — 4 344,3 tys., u adukacyi — 4 610,7 tys., u tym liku nastaŭnikaŭ - 5 552,9 tys., prafiesarska-vykładčyckaha składu — 7 406,9 tys. rubloŭ. Zarobak rabotnikaŭ achovy zdaroŭja ŭ lutym 2015 h. skłaŭsia ŭ pamiery 5 161,3 tys. rubloŭ. Siaredniaja zarabotnaja płata daktaroŭ skłała 8 389,8 tys. rubloŭ, siaredniaha miedycynskaha piersanału - 5 134,6 tys. rubloŭ, dadaje Biełstat.
Najvyšejšuju siaredniuju zarpłatu, 31 400 tys. rubloŭ, atrymali supracoŭniki IT-śfiery.
