Układčykam-fizičnym asobam ZAT «Delta Bank» u poŭnym abjomie vypłaciać kampiensacyju, a taksama naličanyja na momant adklikańnia licenzii pracenty.
Pra heta žurnalistam zajaviŭ kiraŭnik časovaj administracyi banka Alaksandr Piadźko.
Alaksandr Piadźko padkreśliŭ, što ŭ ahienctva pa harantavanaj kampiensacyi bankaŭskich układaŭ (depazitaŭ) fizičnych asob «srodkaŭ bolš čym dastatkova dla taho, kab vykanać abaviazacielstvy pierad układčykami ŭ poŭnym abjomie».
Akramia samoha ŭkładu klijentam viernuć pracenty, naličanyja na momant adklikańnia licenzii ZAT «Delta Bank», heta značyć pa 17 sakavika ŭklučna.
Kiraŭnik časovaj administracyi banka źviarnuŭ uvahu, što Biełaruś — adzinaja na postsavieckaj prastory kraina, dzie intaresy ŭkładčykaŭ abaronienyja dziaržavaj u takim abjomie.