Uładzimir Pucin padpisaŭ ukaz ab prysvajeńni hvardziejskaha zvańnia trom vajskovym častkam: 11-j, 83-j asobnym desantna-šturmavoj bryhadaj PDV Rasii i 38-ha asobnaha pałku suviazi. Ukazy raźmieščany na aficyjnym partale pravavoj infarmacyi.
«Za masavy hieraizm i advahu, stojkaść i mužnaść, prajaŭlenyja asabovym składam bryhady ŭ bajavych dziejańniach pa abaronie Ajčyny i dziaržaŭnych intaresaŭ va ŭmovach uzbrojenych kanfliktaŭ, i ŭličvajučy jaje zasłuhi ŭ mirny čas: prysvoić 83-j asobnaj desantna-šturmavoj bryhadzie hanarovaje najmieńnie «hvardziejskaja» i ŭ dalejšym nazyvać jaje: 83-ja asobnaja hvardziejskaja desantna-šturmavaja bryhada», - adznačana ŭ tekście ŭkazu. Anałahičnaje źmiest majuć i ŭkazy, jakija datyčacca 11-j ADŠBR i 38-ha asobnaha pałka suviazi.
Miesca i daty bajavych dziejańniaŭ, za ŭdzieł u jakich dadzienyja častki atrymali hvardziejskija zvańnia, va ŭkazach nie raskryvajucca.
Adkrytych źviestak ab udziele hetych častak i złučeńniaŭ u bajavych dziejańniach, jakija śviedčać pra prajaŭleńnie asabovym składam masavaha hieraizmu, nie majecca. Viadoma, što asabisty skład 83. bryhady prymaŭ udzieł u pieršaj čačenskaj kampanii 1994-1996 hadoŭ u składzie zvodnych padraździaleńniaŭ. Sama bryhada na Paŭnočny Kaŭkaz nie pierabazavałasia. Bajavyja zadačy ŭ chodzie abiedźviuch čačenskich kampanij vykonvali taksama vajskoŭcy 38-ha asobnaha pałka suviazi.
Prysvajeńnie trom rasijskim častkach PDV zvańnia hvardziejskich za hieraizm, prajaŭleny ŭ chodzie bajavych dziejańniaŭ, nijak nie źviazany z kanfliktam na paŭdniovym uschodzie Ukrainy.
Pra heta paviedamlaje RIA Naviny sa spasyłkaj na pres-sakratara prezidenta RF Dźmitryja Piaskova.
«Pra heta (udziele ŭ vajnie va Ukrainie) havorki iści nie moža, nie mahło i nie moža, bo my viedajem, što rasijskija ŭzbrojenyja siły, rehularnyja častki nie mieli i nie majuć jaki-niebudź datyčnaści da hetych padziejaŭ», - zajaviŭ Piaskoŭ.
Jon udakładniŭ, što hvardziejskija zvańni prysvojvajucca pa sukupnaści zasłuh, u tym liku ŭličvajecca ŭdzieł u vučeńniach.
