AP
Matč adboračnaha cykłu čempijanatu Jeŭropy pa futbole 2016 pamiž zbornymi Čarnahoryi i Rasii admienieny ŭ suviazi z tym, što miascovyja zaŭziatary znoŭ vykarystoŭvali piratechniku.
U pieršy raz sustreča była spyniena na pieršaj chvilinie, paśla taho jak zapuščany z trybun stadyjona ŭ Padhorycy fajer trapiŭ u hałkipiera rasijskaj zbornaj Ihara Akinfiejeva.
Matč byŭ spynieny, adnak adnaviŭsia praz 40 chvilin. Dyktar pa stadyjonie tady paviedamiŭ, što ŭ vypadku paŭtareńnia incydentu hulnia budzie kančatkova spyniena.
U vyniku incydentu Akinfiejeŭ atrymaŭ strasieńnie mozhu i byŭ adpraŭleny ŭ Kliničny centr Čarnahoryi.
Zhodna z rehłamientam UEFA, zbornaj Čarnahoryi pa futbole moža być zaličana techničnaje paražeńnie z-za niazdolnaści harantavać biaśpieku hulni.