 |
Miascovaha demakratyčnaha aktyvista Barysa Chamajdu i siabra KCHP BNF Alaksandra Sałaŭjana, zatrymanych na vulicy Cieraškovaj
, na noč źmiaścili ŭ izalatar časovaha ŭtrymańnia.
Dziažurny Kastryčnickaha rajadździełu milicyi Ihar Bałaškoŭ admoviŭsia paviedamić žurnalistam i pravaabaroncam, za jakoje pravaparušeńnie zatrymali aktyvistaŭ. Pradstaŭniku BCHK Paŭłu Levinavu daviałosia napisać z hetaje nahody skarhu na niepravamocnyja dziejańni milicyjantaŭ, a taksama telefanavać u abłasnuju ŭpravu MUS. Tolki tam jamu paćvierdzili, što ad 19‑j viečara Chamajda i Sałaŭjan sapraŭdy znachodziacca ŭ pastarunku i što ich vinavaciać u niesankcyjanavanym pikietavańni, jakoje jany nibyta ździajśniali, vyviesiŭšy bieł‑čyrvona‑bieły ściah.
Razbor u pastarunku praciahvaŭsia bolš za try hadziny, praduhledžanyja zakanadaŭstvam. Z hetaje nahody pravaabaroncu Paŭłu Levinavu taksama daviałosia pisać skarhu na imia načalnika rajadździełu milicyi.
Načalnik Kastryčnickaha RAUS Andrej Prakapovič zahadaŭ, kab da sudu aktyvistaŭ źmiaścili ŭ izalatar časovaha ŭtrymańnia. Razhladać składzienyja milicyjantami pratakoły buduć zaŭtra ŭ sudzie Kastryčnickaha rajonu.
