Hrafienavyja lampački źjaviacca ŭ prodažy ŭ Vialikabrytanii ŭžo ŭ hetym hodzie pa 18 dalaraŭ za štuku, paviedamlaje BBC.
Hrafienavy śvietładyjod u formie nici spažyvaje na 10% mienš enierhii za zvyčajnyja śvietładyjodnyja lampački, pry hetym pracuje zaŭvažna dolej.
Što važna, košt vytvorčaści takich lampačak abiacajuć być nižejšymi za košt vyrabu sučasnych śvietładyjodnych lampačak.
Lampački raspracavanyja kampanijaj Graphene Lighting, naŭprost źviazanaj z Mančestarskim univiersitetam, u jakim i byŭ adkryty hrafien.
* * *
Hrafien — dvuchvymiernaja madyfikacyja vuhlarodu adzin atam utoŭščki, atrymanaja ŭ 2004 hodzie rasijskimi i brytanskimi navukoŭcami. Asabliva vysokaja ruchomaść nośbitaŭ zaradaŭ u hrafienie robić jaho pierśpiektyŭnym materyjałam dla nanaelektroniki, taksama materyjał demanstruje vialikuju miechaničnuju žorstkaść i vysokuju ciepłapravodnaść. Za adkryćcio hrafienu A. Hiejm i K. Navasiołaŭ atrymali ŭ 2010 hodzie Nobieleŭskuju premiju pa fizicy.
