U ramkach dobraŭparadkavańnia staličnaha praspektu Pieramožcaŭ (b. Mašerava), jakoje budzie pravodzicca ŭ najbližejšyja hady, miarkujecca ažyćciavić cikavy prajekt pa rekanstrukcyi mienskaha zamčyšča.
Jaho admietnaja rysa — budaŭnictva padziemnaha muzeju historyi j archiealohii horadu j raźmiaščeńnie na jahonaj bazie historyka-archiŭnaha centru. Hety kompleks budzie zajmacca muzejnaj i kulturna-adukacyjnaj dziejnaściu.
Častkova muzej raźmieścicca i na pavierchni, dzie planujecca pabudavać prahułačnyja terasy, jakija adnačasova buduć adkrytymi ekspazycyjnymi placoŭkami. Rolu asnoŭnych kampazycyjnych detalaŭ tut syhrajuć prachod da padnožža ŭčastka histaryčnaha vału j uznoŭlenaja draŭlanaja brama, jakaja adkryvaje šlach da dziadzinca — centralnaj umacavanaj častki staražytnaha horadu.
U planach prajektu taksama paznačana vyviadzieńnie na pavierchniu adcinka raki Niamihi, jakaja ciapier schavanaja ŭ padziemny kalektar.