Były kiraŭnik bajevikoŭ «DNR» Ihar Hirkin, viadomy pad mianuškaj «Strałkoŭ», daŭ intervju, u jakim pryznaŭ, što sproba dałučyć Danbas nie ŭdałasia. Adkaznaść za heta jon uskłaŭ na miascovyja elity. Inšuju pryčynu jon bačyć u nierašučaści Kramla.
Hirkin pryznaŭ, što ŭ Danbasie nie znajšłosia jaskravych, tałkovych lidaraŭ, jakija b uznačalili sieparatyscki ruch. Žychary rehijona nie pavieryli tym miascovym važakam, što sprabavali ŭznačalić tak zvanyja «Danieckuju i Łuhanskuju Narodnyja Respubliki». I ciapier, bačačy chaos i razvał ekanomiki Danbasa, navat ruskija žychary Ukrainy vystupajuć suprać paŭtoru danbaskich padziej u ich rehijonach, skazaŭ Hirkin.
Hirkin kaža, što rasčaravańnie vyklikaŭ taksama toj fakt, što Rasija akazałasia nie hatovaj adkryta pryniać Danbas u svoj skład.
Ciapierašniaje kiraŭnictva «DNR» i «ŁNR» Hirkin nazvaŭ «dačaśnikami». U respublikach dahetul nie sfarmavanaja dziejazdolnaja ŭłada, skazaŭ jon.
«Kramloŭskija čynoŭniki razhladajuć rehijon jak raźmiennuju kartu, fišku, jakuju možna zmachnuć sa stała, — kaža Hirkin. — Heta vyklikaje chistańni, niaŭstojlivaść i navat demaralizacyju», — zajaviŭ jon.
