Sytuacyja na biełaruska‑polskaj miažy pastupova vypraŭlajecca. Najhoršyja pravy na pierajeździe Kazłovičy‑Karoščyn. Pamiežny pierachod pa‑raniejšamu zablakavany. Čarha TIR‑aŭ, što čakajuć na vyjezd z Polščy, siahaje 28 km (kala 1400 aŭto). Siaredni čas čakańnia ŭ čarzie składaje kala 100 hadzinaŭ (vyjezd) i 76 hadzinaŭ na ŭjezd. Kiraŭnik Nadbužańskaha Adździełu pamiežnaj achovy padpałkoŭnik Andžej Vujcik zapeŭniŭ, što nijakich sankcyjaj u dačynieńni da kiroŭcaŭ, u jakich skončyŭsia termin dziejańnia vizy, prymianiacca nia budzie.
Na pierajeździe Bruzhi‑Kuźnica Biełastockaja z boku Biełarusi čakaje kala 150 hruzavikoŭ, na vyjezd z Polščy — kala 90, praciahłaść čarhi da 3,5 km.
Na pierajeździe Bierastavica‑Babroŭniki na vyjezd ź Biełarusi čakaje kala 90 hruzavikoŭ, z boku Polščy — kala 150, praciahłaść čarhi da 2 km.
Siońnia ranicaj adnavilisia pieramovy kiraŭnictva polskich mytnikaŭ ź Ministerstvam finansaŭ. Vyniki ŭčorašnich 10‑ci hadzinnych pieramovaŭ strajkoŭcaŭ nie zadavolili. Nahadajem, što ŭrad prapanavaŭ mytnikam pavyšeńnie zarobku i źmieny ŭ Statucie ab mytnaj słužbie. Mytnikaŭ padtrymali polskija pamiežniki. Što praŭda, adna z prapanovaŭ uradu vyklikała ŭ ich krytyku: pamiežniki nia zhodnyja z mahčymym pryraŭnańniem mytnikaŭ da siłavych strukturaŭ u pytańni vychadu na pensiju.