U Minsku dvoje mužčyn ździejśnili razbojny napad ŭ kaściole Śviatoha Symona i Śviatoj Aleny na žančynu, jakaja pracuje načnym vartaŭnikom. Zdareńnie adbyłosia ŭ noč na 1 krasavika, kala 03:40.
Jak vyśvietliłasia, 24-hadovy minčanin i jaho 23-hadovy inšaharodni pryjaciel, raniej nieadnarazova sudzimyja za rabavańni i razboi, unačy trapili ŭ pamiaškańnie i stali źbivać 63-hadovuju žančynu-vartaŭnika. Zatym napadniki sprabavali adčynić siejf, u jakim znachodzilisia achviaravańni prychadžan, adnak žančynie ŭdałosia vyrvacca. Jana dabiehła da treciaha pavierchu, dzie znachodzilisia śviatary paśla słužby, jany vyklikali chutkuju dapamohu paciarpiełaj i milicyju.
Uzłamać siejf maładym ludziam nie ŭdałosia, i jany źbiehli. Sumiesnymi namahańniami supracoŭnikaŭ Upraŭleńnia Śledčaha kamiteta Biełarusi, Dziaržaŭnaha kamiteta sudovych ekśpiertyz Biełarusi i staličnaj milicyi ich zatrymali pa haračych śladach. U ciapierašni čas u dačynieńni da mužčyn zaviedziena kryminalnaja sprava pa art. 207 KK Biełarusi. Im moža pahražać pakarańnie ŭ vyhladzie pazbaŭleńnia voli terminam da 15 hadoŭ.
