Alaksandr Łukašenka miarkuje, što čas uvodzić sistemu elektronnaj čarhi na miažy. Pra heta jon zajaviŭ 3 krasavika, vystupajučy pierad kiraŭnickim składam Dziaržaŭnaha mytnaha kamiteta i mytniaŭ, paviedamlaje BiełTA.
Pavodle jaho słoŭ, u Biełarusi sfarmiravanaja cełasnaja architektura aŭtadarožnych punktaŭ propusku, jakaja dazvalaje zabiaśpiečvać intensiŭnaje pieramiaščeńnie transpartu. «Ich prapusknaja zdolnaść naroščvajecca na prahramnaj asnovie, u tym liku za košt pryciahnieńnia srodkaŭ mižnarodnaj techničnaj dapamohi», — skazaŭ Łukašenka.
Tym nie mienš, zaznačyŭ jon, čerhi na miažy pieryjadyčna vystrojvajucca. «Apieratyŭna vyrašać hetyja pytańni nieabchodna jak praz efiektyŭnaje ŭzajemadziejańnie z sumiežnym bokam, tak i šlacham udaskanaleńnia ŭsich etapaŭ dziejnaści mytych orhanaŭ. Čas uvodzić sistemu elektronnaj čarhi. Kali heta vyrašaje prablemu, to heta treba nieadkładna zrabić», — padkreśliŭ biełaruski kiraŭnik.
Łukašenka zapatrabavaŭ apieratyŭna pravieści rabotu pa pieradačy aŭtadarožnych punktaŭ propusku miascovym vykanaŭčym orhanam kiravańnia. Pavodle jaho słoŭ, aprača abuładkavańnia infrastruktury punktaŭ propusku nieabchodna prymać i inšyja miery dla paskareńnia tavarapatokaŭ cieraź miažu.
Łukašenka zaznačyŭ, što ŭ krainie niamała zroblena dla ŭdaskanaleńnia mytnaha kantrolu na miažy. Ukaranieńnie ŭ praktyku sistemy kiravańnia ryzykami, elektronnaha dekłaravańnia, papiaredniaha infarmavańnia viadzie da skaračeńnia času na praviadzieńnie mytnych apieracyj niepasredna na miažy.
Pavodle słoŭ Łukašenki, nazapašany za hod vopyt pa praviadzieńni aŭtamabilnaha i dakumientarnaha sanitarna-karancinnaha kantrolu pakazvaje, što mytnyja orhany zdolnyja efiektyŭna vykonvać pryniatyja na siabie novyja kantrolnyja funkcyi. «Pa vašych dakładach, u mytnaj słužby jość žadańnie realizavać takija prajekty, jak «kaardynacyja kiravańnia na miažy», «adno akno». U cełym ja padtrymlivaju vašy inicyjatyvy. Ale heta treba zrabić chutka, nakolki mahčyma», — zajaviŭ aficyjny lidar.
