Hrupy pratestoŭcaŭ suprać isłamskaha ekstremizmu ŭstupili ŭ vuličnuju kanfrantacyju z supiernikami lubych prajaŭ rasizmu adrazu ŭ niekalkich bujnych haradach Aŭstralii.
Palicyja aryštavała niekalki čałaviek u Mielburnie, dzie konnym vartavym paradku pryjšłosia vybudavać saboj žyvuju aharodžu pamiž supraćlehłymi bakami.
Pres-sakratarka ruchu Reclaim Australia Ketryn Brenan zajaviła, što jaje arhanizacyja abaraniaje aŭstralijskija kaštoŭnaści i vystupaje suprać isłamskaha ekstremizmu, ale nie źjaŭlajecca antymusulmanskaj pa svajoj sutnaści.
Aktyvisty ruchu arhanizavali šeści ŭ 16 nasielenych punktach Aŭstralii, vystupajučy suprać «isłamizacyi» aŭstralijskaha hramadstva, zakonaŭ šaryjatu i praktyki vydačy siertyfikataŭ «chalalnaści», heta značyć adpaviednaści patrabavańniam isłamu, dla bolšaści miasnych praduktaŭ, jakija pradajucca ŭ Aŭstralii.
Pradstaŭniki ruchu Reclaim Australia asudžajuć vydatki na takuju siertyfikacyju, na jakuju iduć ŭ intaresach musulmanskaj mienšaści, jakaja składaje mienš za 3% ad ahulnaha nasielnictva krainy. Na dumku aktyvistaŭ, heta stała «chalalnym padatkam» dla ŭsioj nacyi.
Arhanizatarka antyrasisckaj akcyi ŭ Sidnei Kłer Fester, u svaju čarhu, papraknuła Reclaim Australia ŭ musiravańni «kłasičnych stereatypaŭ ab musulmanach» i abvinavaciła arhanizacyju ŭ padahravańni antyisłamskich nastrojaŭ u hramadstvie.
