U svaim kazańni na ŭsianočnaj słužbie ŭ Rymie z nahody katalickaj Vialikaj piatnicy Papa Francišak abrynuŭsia z krytykaj na najbujniejšyja mižnarodnyja arhanizacyi, asudziŭšy ich maŭčańnie z nahody vypadkaŭ masavaha zabojstva chryścijan, jakoje pantyfik nazvaŭ zmoŭnickim.
«My ŭsio jašče bačym, jak našych bratoŭ pieraśledujuć, abiezhałoŭlivać i kryžujuć za vieru ŭ Ciabie [Isusa] — časta z našaj maŭklivaj zhody», — skazaŭ pantyfik.
Dziasiatki tysiač čałaviek dałučylisia da Papy padčas rytuału paminańnia raśpiaćcia Chrysta.
Siarod udzielnikaŭ pracesii byli i chryścijanskija ŭciekačy ź Siryi i Iraka, a taksama vyžyłyja pry napadach hrupoŭki «Boka Charam» nihieryjcy-kataliki.
Napiaredadni pantyfik nazvaŭ rasstreł studentaŭ u univiersiteckim kaledžy ŭ Kienii «biessensoŭnaj žorstkaściu».
Raniej Francišak vykazvaŭsia ŭ padtrymku prymianieńnia suśvietnaj supolnaściu siły suprać džychadzistaŭ ekstremisckaj hrupoŭki «Isłamskaja dziaržava».