U hetuju niadzielu, 5 krasavika, u staličnym restaranie «Grand Bellagio» adbyŭsia pieršy ŭ Biełarusi eka-markiet «Pastarnak». Naviedvalnikam prapanavali bahaty vybar praduktaŭ charčavańnia, etyčnaj naturalnaj kaśmietyki i bytavoj chimii, a taksama vopratku, cacki i padarunki z eka-materyjałaŭ.
My zavitali na eka-markiet dy abrali 10 karysnych i smačnych praduktaŭ, jakija nie ŭtrymlivajuć u sabie lišniaj chimii.
1. Sirop ahavy
Sirop, pryhatavany na asnovie soku ahavy, źjaŭlajecca vydatnym zamieńnikam cukru. Jaho pach nahadvaje miod z karamielnych adcieńniem. Taki sirop dadajuć va ŭsie vidy vypiečki, jak samastojny kampanient abo ŭ jakaści zamieńnika cukru, miodu, klanovaha siropu.
Košt: 129 000 za 100 hr.
2. Sočyva ź inžyru
Pradukt hruzinskaj firmy «Kula», jaki ciapier možna znajści ŭ tym liku na paličkach minskich supiermarkietaŭ. Isnujuć taksama soki, džemy i sousy hetaj marki. Vialiki plus hetaha sočyva ŭ tym, što jano hatujecca vyklučna z fruktaŭ i cukru, u jaho składzie niama kansiervantaŭ.
Košt: 65 000 za 360 hr.
3. Tofu
Tofu - heta syr, jaki robicca z sojevych baboŭ. Jon nizkakałaryjny, amal nie ŭtrymlivaje tłušču i vuhlavodaŭ. Byvaje taksama sa smakam hryboŭ, papryki, višni i inš.
Košt: 26 000 za 150 hr.
4.Marmieład ź jahad
Składajecca z pataki, fruktozy, aharu, limonnaj kisłaty dy samich jahad. Aktualna dla tych, chto jašče tydzień budzie paścicca.
Košt: 45 000 za 170 hr
5. Urbieč ź lonu
Urbieč - hustaja pasta, jakuju hatujuć z raściortaha dy padsmažanaha nasieńnia kanoplaŭ, lonu, słaniečnika, arechaŭ abo abrykosavych kostačak. Možna źmiašać ź miodam i jeści ŭ jakaści desierta, taksama sumieś maje ŭ sabie šmat vitaminaŭ.
Košt: 80 000 za 230 hr
6. Zialonaja hrečka
Hrečka, jakuju možna praroščvać prosta ŭ siabie na kuchni, a paśla dadavać da sałataŭ ci jeści ŭ jakaści harnira. Kažuć, stanoŭča ŭpłyvaje na imunnuju sistemu.
Košt: 45 000 za 600 hr.
7. Pamidory z barchatcami
Zakatka sa śviežych svojskich pamidoraŭ, u jakija dadali tolki sol i barchatcy.
Košt: 80 000 za litrovy słoik.
8. Šakaład z kerabu
Dobraje vynachodnictva dla tych, kamu nielha šakaład z kramaŭ. Tolki kerab, kakao-masła, małako i mindal - nijakaha cukru.
Košt: 45 000 za 75 hr.
9. Tort z suchafruktaŭ
Desiert, jaki, kali vieryć cetliku, składajecca roŭna z 4 inhrydyjentaŭ: banany, kakosavaja stružka, finiki, mindal. Kali Vas nie zasmučajuć cytaty Kaelo na upakoŭcy, možacie pakaštvać taksama viehanski čyzkiejk i inšyja smačnyja torty bieź jajek i muki.
Košt: 150 000 za 650 hr.
10. Aliŭkavy alej
Košt: 280 000 za 0,5 ł
