Jak paviedamiŭ BiełaPAN pravaabaronca Leanid Sudalenka, u maładoha čałavieka ŭźnikli prablemy sa straŭnikam, źviazanyja, chutčej za ŭsio, z haładoŭkaj. 30 studzienia aktyvist spyniŭ raspačatuju ŭ znak pratestu suprać pryzyvu ŭ armiju i adličeńnia z univiersiteta haładoŭku pa prośbie kiraŭnictva Partyi BNF. Abstaviny znachodžańnia ŭ čaści D.Žaleźničenka paviedamiŭ pravaabaroncu pa telefonie.
Nahadajem, namieśnik staršyni abłasnoj arhanizacyi «Moładź BNF» D.Žaleźničenka byŭ pryzvany ŭ armiju 25 studzienia. U hety ž dzień jaho aficyjna aznajomili z zahadam rektara Homielskaha dziaržuniviersiteta imia F.Skaryny ab adličeńni. D.Žaleźničenka ličyć, što jaho adličeńnie i pryzyŭ u armiju niezakonnyja. Student‑vydatnik byŭ dvojčy adličany z univiersiteta. Pieršy raz jon dabiŭsia praz sud svajho adnaŭleńnia, ale paśla nabyćcia mocy rašeńnia suda znoŭ byŭ adličany «za parušeńnie praviłaŭ unutranaha rasparadku».
Budučy pryzvanym u armiju, D.Žaleźničenka źviaruŭsia z zajavaj ŭ Ministerstva abarony, dzie prasiŭ nakiravać jaho u biełaruskamoŭnuju voinskuju čaść i papiaredziŭ vajennaje kiraŭnictva, što zahady budzie vykonvać tolki na biełaruskaj movie. Pavodle słoŭ Ł.Sudalenki,u liście ź Minabarony D.Žaleźničenku adkazali, što sałdat pavinien viedać dźvie dziaržaŭnyja movy — ruskuju i biełaruskuju.