Džordž Marcin. Fota: georgerrmartin.com
Piśmieńnik Džordž R. R. Marcin raspracuje supolna z kanałam HBO novy fantastyčny telesieryjał, paviedamlaje The Hollywood Reporter.
Sieryjał pad čarnavoj nazvaj «Kapitan Kosmas» raspaviadzie pra los piśmieńnika, jaki «piša historyi, što nichto bolš nie advažyŭsia by napisać». Dziejańnie razhorniecca na pačatku ery telebačańnia, u 1949 hodzie.
Sieryjał znachodzicca na rańniaj stadyi raspracoŭki. Piłotnuju sieryju napiša Majkł Kasut, viadomy pa sieryjale «Zornaja brama».
Marcin tym časam pracuje nad šostaj knihaj cykłu «Pieśnia lodu i ahniu» — «Vietry zimy». Piaty siezon «Hulni tronaŭ», sieryjału-ekranizacyi cykłu, startuje na HBO 12 krasavika. Miarkujecca, što «Kapitan Kosmas» nie zojmie ŭ piśmieńnika šmat času.
