Śledčym kamitetam Biełarusi zavieršanaje śledstva pa spravie byłoha hienieralnaha dyrektara AAT «ManalitHrad», jaki ŭčyniŭ šerah słužbovych i karupcyjnych złačynstvaŭ u 2011—2013 hadach, paviedamiła aficyjny pradstaŭnik SK Julija Hančarova.
Ustanoŭlena, što złačynnuju dziejnaść kiraŭnik pačaŭ, źjaŭlajučysia pradstaŭnikom dziaržavy ŭ naziralnym saviecie AAT «ManalitHrad». Jon zasnavaŭ praz svaich davieranych asob šerah kampanij, jakija zajmalisia roznymi vidami pradprymalnickaj dziejnaści. Paśla čaho daŭ zaviedama niezakonnyja ŭkazańni słužbovaj asobie AAT pieradać u karystańnie hetym kampanijam vytvorčyja pamiaškańni akcyjaniernaha tavarystva pa minimalnym košcie arendy, ukazaŭšy ŭ dakumientacyi płošču pamiaškańnia mienšuju za faktyčnuju, što paciahnuła pryčynieńnie materyjalnaha ŭronu dziaržaŭnamu pradpryjemstvu ŭ vyhladzie niedaatrymańnia prybytku ad zdadzienych u arendu pamiaškańniaŭ.
Paśla pryznačeńnia na pasadu hienieralnaha dyrektara AAT «ManalitHrad», dziejničajučy vyklučna ŭ svaich asabistych intaresach, kiraŭnik daŭ zaviedama niezakonnaje ŭkazańnie ab zaklučeńni kantrakta z zasnavanaj im kampanijaj na praviadzieńnie ekśpiertnaha daśledavańnia vykananych rabot u domie, jaki budujecca, niahledziačy na toje što tavarystva mieła mahčymaść samastojna acanić ich jakaść.
Akramia taho, były kiraŭnik, dziejničajučy pavodle papiaredniaj zmovy sa svaim namieśnikam, nieadnarazova prymaŭ uznaharodžańni ŭ vyhladzie hrašovych srodkaŭ ad pradstaŭnikoŭ roznych arhanizacyj za vyrašeńnie pytańniaŭ, jakija ŭvachodziać u jaho kampietencyju. Usiaho śledstvam dakazanaje atrymańnie chabaru na sumu zvyš 350 młn rubloŭ.
Svaimi dziejańniami abvinavačany pryčyniŭ istotny ŭron dziaržaŭnym i hramadskim intaresam, pastaviŭšy AAT «ManalitHrad» u ciažkaje ekanamičnaje stanovišča.
Z metaj kampiensavańnia ŭronu, pryčynienaha tavarystvu, śledčymi nakładzieny aryšt na majomaść abvinavačanaha na sumu zvyš 1,5 młrd rubloŭ.
Padčas rasśledavańnia kryminalnaj spravy śledčymi ŭstanoŭlenyja i inšyja fakty supraćpraŭnaj dziejnaści słužbovych asob.
Abvinavačańnie byłomu kiraŭniku vystaŭlenaje ŭ niezakonnym udziele ŭ pradprymalnickaj dziejnaści, złoŭžyvańni słužbovymi paŭnamoctvami, atrymańni chabaru, machlarstvie, słužbovym padłohu i niesankcyjanavanym dostupie da kampjutarnaj infarmacyi. Dziejańni jaho namieśnika kvalifikavanyja śledstvam jak zamach na atrymańnie chabaru i słužbovy padłoh. Miera strymańnia padčas śledstva nie źmianiałasia i zastajecca raniejšaj — znachodžańnie pad vartaj.
Kryminalnaja sprava pieradadzienaja prakuroru dla nakiravańnia ŭ sud.
