Dziaŭčyna pa imieni Palina raspaviała TUT.BY pra časovuju błakiroŭku svajho «mirnaha» błohu šeraham pravajdaraŭ.
Pa słovach aŭtarki, absalutna «mirny» błoh pra modu byŭ zabłakavany 28 sakavika. Praz dva dni błakiroŭku źniali, ale jaje pryčyny adnaznačna vyznačyć nie atrymałasia.
Błoh Paliny błakavali jak minimum «Atłant-Telekam» i velcom. Inšyja pravajdary, jakija zdoleła pravieryć dziaŭčyna, sajt nie błakavali.
«Atłant-telekam» paćviardžaje fakt błakiroŭki. Pravajdar śćviardžaje, što 26 sakavika atrymaŭ ad BiełDIE (arhanizacyja, adkaznaja za viadzieńnie «čornaha śpisu») śpis resursaŭ abmiežavanaha dostupu, što ŭtrymlivaŭ siarod inšych IP-adras sajta Paliny. Nastupny śpis, atrymany 29 sakavika, taki adras užo nie ŭtrymlivaŭ — sajt byŭ razbłakavany.
BiełDIE ŭ svaju čarhu śćviardžaje, što adras zhadanaha sajta ŭ śpis nie ŭnosili. Mininfarm pieradaje nie tolki IP-adras, ale i URL sajta i DNS, a BiełDIE pieradaje pravajdaram usiu hetuju infarmacyju, kažuć u arhanizacyi. Advapiedna, kali niekalki sajtaŭ vykarystoŭvajuć adzin IP-adras, pravajdary mohuć niapravilna nadadzić błakiroŭki (nie ŭličyć URL i DNS) — u BiełDIE miarkujuć, što pryčyna pamyłkovaj błakiroŭki mienavita ŭ hetym.
U kancy sakavika pad błakiroŭku trapiŭ šerah niezaležnych sajtaŭ. Praz peŭny čas dostup da ich viarnuli — zhodna z čutkami, «čornyja śpisy» «abnulili». Ale ŭ toj ža dzień pravajdary zabłakavali sajt nieruchomaści. Chacia stvaralniki apieratyŭna vydalili staronku z zabaronienaj infarmacyi (maŭlaŭ, sajt uzłamali dy raźmiacili rekłamu spajsaŭ i dziciačaje porna), Mininfarm źniaŭ błakiroŭku daloka nie adrazu.
Čytajcie taksama: Piać sposabaŭ trapić na zabłakavanyja sajty
