Hrošy układčykam-fizičnym asobam ZAT «Delta Bank» pačnuć viartać 13 krasavika. Pra heta siońnia žurnalistam paviedamiŭ namieśnik staršyni praŭleńnia Banka Maskva-Minsk Alaksandr Vaładźko.
Z 12 sakavika ŭ ZAT «Delta Bank» rašeńniem praŭleńnia Nacyjanalnaha banka była ŭviedziena časovaja administracyja pa kiravańni bankam. Na pieryjad jaje dziejańnia paŭnamoctvy praŭleńnia ZAT «Delta Bank» byli prypynienyja. Miera była pryniata na padstavie analizu pakazčykaŭ biahučaj dziejnaści biełaruskaha ZAT «Delta Bank» na fonie niehatyŭnych padziej, jakija adbyvajucca ŭ AT «Delta Bank» (Ukraina), u tym liku źviazanych z pryznańniem jaho niepłaciežazdolnym.
Z 18 sakavika Nacyjanalny bank adklikaŭ licenziju ZAT «Delta Banka» na ažyćciaŭleńnie bankaŭskaj dziejnaści. Takoje rašeńnie Nacbank pryniaŭ pa vynikach razhladu infarmacyi, atrymanaj ad časovaj administracyi pa kiravańni ZAT «Delta Bank», u suviazi ź nievykanańniem im asobnych licenzijnych patrabavańniaŭ, a taksama stvareńniem finansavaha stanovišča, jakoje paciahnuła nievykanańnie bankam svaich abaviazacielstvaŭ pierad układčykami i inšymi kredytorami.
