Śmiarotnaja avaryja adbyłasia a 13.10 u Vialikuju Piatnicu na staličnaj vulicy Kalinoŭskaha.
«Skryžavańnie Kalinoŭskaha i Kiedyški, bajkier. Padobna da taho, što ŭsio», — napisaŭ śviedka Uład_Siur. U DAI Minska nam paćvierdzili: u śmiarotnaj avaryi nasuprać doma 38 na vulicy Kalinoŭskaha zahinuŭ małady matacyklist.
Chłopcu byŭ 21 hod. Paśviedčańnie kiroŭcy katehoryi «A», paviedamili ŭ DAI Pieršamajskaha rajona Minska, jon atrymaŭ 4 krasavika.
Pakul viadoma tolki, što matacykł sutyknuŭsia z Toyota Land Cruiser pad kiravańniem 31-hadovaj žančyny: usiedarožnik vyjazdžaŭ na Kiedyški ź miascovaha prajezdu naleva ŭ bok Kalinoŭskaha.
Pry jakich abstavinach adbyłosia sutyknieńnie — vyśviatlaje śledča-apieratyŭnaja hrupa.
0
0
0
0
0
0