Jak paviedamiła načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, heta zdaryłasia 13 krasavika kala 16.20 na pieršym kiłamietry aŭtadarohi R8 Łuniniec — Pinsk.
Kiroŭca słužbovaha aŭtobusa «PAZ», 68-hadovy mužčyna, jaki razvoziŭ školnikaŭ paśla zaniatkaŭ, pavodle papiarednich źviestak, ubačyŭ sabaku, jaki raptoŭna vybieh na prajeznuju častku, i pravioŭ ekstranaje tarmažeńnie. U vyniku chłopčyk, jaki znachodziŭsia na zadnim pasažyrskim siadzieńni, pavaliŭsia ŭ sałonie aŭtobusa.
Kiroŭca advioz dzicia dadomu ŭ viosku Vulka-Haradziščanskaja i pieradaŭ baćkam. U šeść viečara jany źviarnulisia pa miedycynskuju dapamohu synu ŭ Pinskuju haradskuju balnicu. U dziciaci vyjavili pierałom pravaha ściahna. Chłopčyka špitalizavali ŭ traŭmatałahičnaje adździaleńnie.
U sałonie aŭtobusa znachodziłasia jašče adna školnica, jakaja nie paciarpieła. Pa fakcie DTZ pravodzicca pravierka. «PAZ» nie abstalavany ramianiami biaśpieki.
Jak zaznačyła Sacharčuk, sioleta ŭ Bresckaj vobłaści heta pieršy vypadak traŭmavańnia pasažyra školnaha aŭtobusa.
