Vykładčycu Homielskaha dziaržaŭnaha ŭniviersiteta imia Francyska Skaryny 1969 hoda naradžeńnia znajšli paviešanaj na leśvičnaj placoŭcy doma 106 pa vulicy Savieckaj, jaki źjaŭlajecca internatam VNU.
Cieła znajšli siońnia kala 8.00, paviedamiła aficyjny pradstaŭnik USK pa Homielskaj vobłaści Maryja Kryvanohava. Haradski adździeł SK pravodzić pravierku. Asnoŭnaja viersija — suicyd. Pryznačana sudova-miedycynskaja ekśpiertyza.
Žančyna była zamužam, u jaje dvoje dziaciej.
Dom 106 pa vulicy Savieckaj u 2014 hodzie aficyjna nabyŭ status internata rašeńniem ekanamičnaha suda. Raniej žychary doma, vykładčyki ŭniviersiteta, sprabavali pryvatyzavać kvatery, u jakich pražyli pa 20 i bolš hadoŭ, ale nie dabilisia hetaha prava. Pieršapačatkova im admaŭlali, spasyłajučysia na toje, što dom źjaŭlajecca internatam. Potym u sudzie vyśvietliłasia, što budynak pa dakumientach — žyły dom. Ale kiraŭnictva HDU imia F.Skaryny dabiłasia praz sud, kab dakumienty byli papraŭlenyja, i dom aficyjna staŭ internatam. Kanflikt vykładčykaŭ — žycharoŭ doma z kiraŭnictvam VNU praciahvajecca niekalki hadoŭ.
Susiedzi zahinułaj na ŭmovach ananimnaści kažuć, što pryčynaj suicydu mahło stać niervovaje pieranapružańnie vykładčyka, jakaja bajałasia stracić kvateru ŭ domie-internacie, tamu šmat pracavała.
