Skrynšot hałasavańnia
U miežach prahramy pa baraćby z kureńniem u Kitai zładžanaje anłajn-hałasavańnie za ŭniviersalny žest, jaki pieradavaŭ by prośbu pierastać kuryć, pieradaje Quartz.
Praz papularny ŭ Kitai mesendžar Weixin kitajcam prapanujuć prahałasavać za adzin z troch varyjantaŭ žestu.
Kitajcam prapanujuć try varyjanty žestaŭ: dakranucca dałońniu da tvaru («mianie turbuje, što vy kurycie»), pakazać kurylščyku adkrytuju dałoń, nakiravanuju ŭ jaho bok («tut kuryć nielha») ci dakranucca ukazalnym i siarednim palcam da adkrytaj dałoni inšaj ruki («kali łaska, pierastańcie kuryć»).
Pakul pieramahaje druhi varyjant, ale pieršy ad jaho adstaje niaznačna.
U Kitai surjoznyja prablemy z tytuniem: kuryć kožny čaćviorty darosły. Kala 22% dziaciej 5-6 hod źbirajucca kuryć, kali vyrastuć. Z 1 červienia ŭ Kitai budzie pad pahrozaj štrafu zabaroniena kuryć u hramadskich miescach. Hramadzianam prapanujuć danasić na kurylščykaŭ, kali tyja palać u nienaležnych miescach, zdymać ich na videa.
Ale tytuniovaja pramysłovaść prynosić 10% pastupleńniaŭ u biudžet. Papiaredniaja sproba zabaranić paleńnie ŭ hramadskich miescach u 2013 hodzie była praktyčna praihnaravanaja.
U Biełarusi tym časam palać bolš za 30% darosłych. Kureńnie zabaronienaje ŭ mnohich hramadskich miescach, u tym liku va ŭstanovach hramadskaha charčavańnia (kali niama asobnaj zony dla kurylščykaŭ i naležnaj vientylacyi), na vakzałach i ciahnikach, va ŭstanovach achovy zdaroŭja, u mnohich parkach.
