«Kaśmičnaja avaryja» va ŭjaŭleńni mastaka. Vyjava: Lynette Cook for Gemini Observatory/AURA
Oksfardskija hieachimiki śćviardžajuć u časopisie Nature, što ŭtrymańnie ŭ kary Ziamli nieadyma i samaryja značna mienšaje za takoje ŭ asteroidach, ale padobnaje da Mierkuryja.
Patłumačyć kolkaść nieadymu i samaryju na Ziamli možna sutyknieńniem ź inšym kaśmičnym ciełam, padobnym da Mierkuryja jak składam, tak i pamierami.
Kampjutarnaje madelavańnie pakazała, što sutyknieńnie z «anałaham» Mierkuryja (pamieram u 20-40% Ziamli) taksama pryniesła b dastatkova siery, što złučyłasia b ź nieadymam, uranam i inšymi elemientami, pranikła by ŭ žaleznaje jadro Ziamli i zapuściła b u im jadziernyja reakcyi.
Heta ŭ svaju čarhu zapuściła b samahienieracyju mahnitnaha pola, što jość važnaj umovaj dla zaradžeńnia na Ziamli žyćcia.
Sutyknieńnie Ziamli ź inšaj płanietaj pad umoŭnaj nazvaj Teja taksama tłumačyć (pavodle adnoj z teoryj) uźniknieńnie Miesiaca.