Hitaryst hurtu Metallica Kirk Chemiet pryznaŭsia ŭ čas padkastu «The Jasta Show», što zhubiŭ iPhone z 250 z 400 hitarnych partyj, pryznačanych dla novaha albomu, pieradaje The Guardian.
Paŭhoda tamu Chemiet zhubiŭ smartfon z zapisami, ale dahetul nie hublaje nadzieju jaho znajści. Sa stračanych 250 ryfaŭ jon pamiataje chiba 8 idej.
Stračanyja fajły nie mieli reziervovaj kopii — miarkujučy pa ŭsim, hitaryst nie karystaŭsia vobłačnym schoviščam iCloud.
Muzyka kaža, što novy albom Metallica budzie «supierciažkim», niepadobnym da kłasičnaha «…And Justice For All» 1988 hoda (ale para piesień nahadaje tvory z taho alboma), a chutčej budzie padobnym da apošniaha na siońnia «Death Magnetic» 2008 hoda.
Adnosna času vypusku albomu ŭdarnik Metallica Łars Ulrych raniej kazaŭ: «My nie viedajem datu. Kali paspračacca, ja by skazaŭ, što heta 2015 hod. Ja by pastaviŭ na heta hrošy». Ci paŭpłyvaje strata Chemieta na datu vypusku alboma, nieviadoma.
***
Soła Kirka Chemieta ŭ pieśniach «Master Of Puppets», «One», «Fade to Black» i «Enter Sandman»:
