«Biełaruskija vojski, padraździaleńnia biełaruskich vajskoŭcaŭ prymuć udzieł u paradzie 9 maja, tamu možna nie pieražyvać, — zajaviŭ ministr zamiežnych spraŭ Rasii ŭ intervju rasijskim radyjostancyjam. — Na hetuju temu ŭžo vykazałasia administracyja prezidenta, Alaksandr Ryhoravič budzie tut 8 maja, voźmie ŭdzieł u sieryi mierapryjemstvaŭ, jakija zapłanavany ŭ hety dzień, a zatym, jak jon sam abviaściŭ, jon pajedzie prymać parad u siabie. Biełaruskija vajskoŭcy buduć udzielničać razam z vajskoŭcami cełaha šerahu inšych krain i nie tolki krain SND na paradzie 9 maja», — skazaŭ Łaŭroŭ.
Siarhiej Łaŭroŭ zajaviŭ, što Rasija «nie zacikaŭlenaja, kab kryzis u adnosinach z Zachadam praciahvaŭsia».
Taksama ministr zajaviŭ, što Ukraina pavinna zastavacca adzinaj. Heta jon zajaviŭ u adkaz na pieršaje ž pytańnie, čamu Rasija nie pryznaje Navarosii. «My chočam, kab na Ukrainie byŭ mir i spakoj. Dla hetaha treba zachavać Ukrainu adzinaj, nie dazvolić raściahnuć jaje pa kavałkach, a takija nastroi ŭžo vykazvajucca dzie-nidzie ŭ Jeŭropie, jakija sastupili ŭ svoj čas pa vynikach Druhoj suśvietnaj vajny častku svaich terytoryj ŭkrainskaj ciapierašniaj dziaržavie, i tam žyvuć mienšaści», — padkreśliŭ kiraŭnik MZS.
U 2014 hodzie Rasija sprabavała adarvać poŭdzień Ukrainy pad łozunham tak zvanaj «Navarosii», ale rasijskim siłam udałosia zaniać tolki uŭschod Danbasa i Krym.
Minskija damoŭlenaści Łaŭroŭ nazvaŭ «najlepšym varyjantam kampramisu». Jon «nie ŭpeŭnieny, što pieramovy prajšli b tak paśpiachova, kali b u ich braŭ udzieł Barak Abama». Łaŭroŭ zajaviŭ, što ZŠA pieraškadžajuć «adkrytamu partniorstvu Rasii i Hiermanii».
Na pytańnie kiraŭnicy «Russia today» adnosna Abamy jon skazaŭ: «Ja nie chacieŭ by pierachodzić na asoby, ale było šmat nadziej, była i Nobieleŭskaja premija miru, viadoma ž, ale i śledam za hetym było šmat vojnaŭ, pryčym vojnaŭ absalutna niełahičnych, jakija nie adpaviadali intaresam stabilnaści ŭ adpaviednych rehijonach», — padkreśliŭ kiraŭnik MZS Rasii.
«Abama abiacaŭ Pucinu paŭpłyvać na ŭkrainskuju apazicyju, a na nastupny dzień adbyŭsia dziaržpieravarot», — zajaviŭ kiraŭnik MZS Rasii. «Paśla taho, jak adbyŭsia pieravarot, nichto nam nie patelefanavaŭ, kab chacia b skazać, što, maŭlaŭ, nie ŭdałosia», — dadaŭ jon.
Łaŭroŭ zavieryŭ, što Rasija nie budzie budavać abaronny sajuz ź Iranam. Paśla pastaŭki Tehieranu rasijskich S-300, tyja, chto choča udaryć pa Iranie, padumajuć dvojčy, zajaviŭ Łaŭroŭ.
Hałoŭnym voraham Rasii na siońnia Siarhiej Łaŭroŭ nazvaŭ Isłamskuju dziaržavu. Jon pryznaŭ, što ŭ joj vajujuć sotni hramadzian Rasii.
Pry hetym jon nazvaŭ adzinaj pahrozaj Rasii hłabalnuju sistemu procirakietnaj abarony, jakuju vybudoŭvajuć ZŠA.
