Minabarony Niamieččyny rasčaravałasia ŭ asnoŭnaj strałkovaj zbroi niamieckich sałdat — vintoŭcy G36 vytvorčaści kampanii Heckler & Koch, i zamienić jaje aŭtamatam novaj kanstrukcyi, paviedamiŭ sajt Niamieckaj Chvali.
Niamiecki žaŭnier z G36 u Afhanistanie.
«U hetaha aŭtamata, uličvajučy jahonuju kanstrukcyju, niama budučyni ŭ bundeśviery», — zajaviła ŭ sieradu na pasiadžeńni abaronnaj kamisii parłamienta krainy ministr abarony Niamieččyny Ursuła fon dier Lajen. Asnoŭnaja pretenzija ekśpiertaŭ — pry praciahłaj stralbie doŭhimi čerhami rezka padaje trapnaść ahniu.
Rašeńnie pra toje, čym budzie zamienienaja G36, pakul nie pryniataje.
5,56-mm šturmavaja vintoŭka G36 znachodzicca na ŭzbrajeńni bundeśviera z 1995 hodu. Chutkaść stralby — da 750 strełaŭ u chvilinu. Vintoŭka vyrablajecca ŭ roznych madyfikacyjach, sa stvałami roznaj daŭžyni i roznymi prycelnymi pryładami, vaha zbroi ŭ zaležnaści ad madyfikacyi składaje ad 2,82 da 3,63 kh. Vykarystoŭvajecca aŭtamat u 30 krainach śvietu, vielmi časta — u adździełach śpiecyjalnaha pryznačeńnia.
Historyja ź pierahrevam G36 pry doŭhim aŭtamatyčnym ahni, u vyniku jakoha trapnaść stralby rezka padaje, stała pradmietam publičnych abmierkavańniaŭ nie raniej za 2012 hod, pa vynikach vykarystańnia zbroi ŭ Afhanistanie. Adnak Heckler & Koch adznačaje, što pry raspracoŭcy aŭtamata čynoŭniki i nie vystaŭlali patrabavańniaŭ što da praciahłaha aŭtamatyčnaha ahniu. Da taho ž u anałahičnych umovach nie aceńvalisia šturmavyja vintoŭki inšych vytvorcaŭ.
Dyj sami niamieckija vajskoŭcy nie skardzilisia na svoj aŭtamat amal 10 hod realnych bajoŭ u Afhanistanie — prablemy byli znojdzienyja tolki ŭ łabaratornych umovach. Mahčyma, novaj šturmavoj vintoŭkaj bundeśviera stanie prosta madyfikavanaja madel G36, jakuju ŭžo padrychtavała Heckler & Koch.
