U sakaviku ad trapičnaj malaryi pamior žychar Pružanskaha rajona, jaki raniej pracavaŭ pa kantrakcie lotčykam ŭ Demakratyčnaj Respublicy Konha. Pra heta paviedamili ŭ Bresckim abłasnym centry hihijeny, epidemijałohii i hramadskaha zdaroŭja.
41-hadovy mužčyna žyŭ adzin. Padčas pracy ŭ Konha hrebavaŭ mierami prafiłaktyki malaryi. Niahledziačy na drennaje samaadčuvańnie, paśla viartańnia na radzimu ŭ miedustanovy nie źviartaŭsia, zajmaŭsia samalačeńniem. Toje, što čałaviek pamior ad dadzienaj ekzatyčnaj chvaroby, miedyki ŭstanavili tolki paśla jaho śmierci.
U Biełarusi heta pieršy za hod vypadak śmierci ad trapičnaj malaryi.
Dadzienaja chvaroba traplaje ŭ arhanizm čałavieka z ukusami «malaryjnych» kamaroŭ. Supravadžajecca niadužańniem, stomlenaściu, hałaŭnym bolem, młosnaściu, strataj apietytu. Pavodle infarmacyi Suśvietnaj arhanizacyi achovy zdaroŭja, štohod u śviecie zaražajucca 300-500 miljonaŭ čałaviek, kala miljona ź ich pamirajuć. Najbolš raspaŭsiudžanaja malaryja ŭ Demakratyčnaj Respublicy Konha i Nihieryi.