Biełaruski bok źviarnuŭsia ŭ MZS Rasii z prośbaj akazać dapamohu, u tym liku sadziejničać evakuacyi, hramadzianam Biełarusi ŭ Niepale. Pra heta paviedamiła namieśnik pres-sakratara MZS Biełarusi Maryja Vańšyna.
Pavodle jaje słoŭ, biełaruskija hramadzianie nie paciarpieli pry ziemlatrusie ŭ Niepale. «Pavodle infarmacyi pasolstva Biełarusi ŭ Indyi i hanarovaha konsuła Biełarusi ŭ Niepale, na suviaź vyjšli 12 biełaruskich hramadzian, jakija paviedamili, što pahrozy dla ich žyćciaŭ niama», — skazała Vańšyna.
Jana adznačyła, što adzin biełarus nie źbirajecca pakidać Niepał, troje hramadzian pakinuli krainu, vylecieŭšy na samalocie. Jašče troje biełarusaŭ płanujuć vyjechać u Indyju pa najaŭnych u ich avijabiletach. Jašče dva čałavieki ŭ składzie mižnarodnaj hrupy alpinistaŭ čakajuć avijarejsa ŭ aeraporcie Katmandu, kab pakinuć Niepał. Akramia hetaha, u Niepale znachodzicca siamja biełaruskich hramadzian (maci, baćka i syn).
«MZS adsočvaje situacyju. Konsulskaje ŭpraŭleńnie pracuje pa hetym pytańni», — padkreśliła Vańšyna.
Hramadzianie Biełarusi mohuć atrymać padrabiaznuju infarmacyju pra situacyju ŭ Niepale pa nastupnych numarach telefonaŭ: (8 10 91 11) 405 29 336, (8 10 91 11) 405 29 338 (pasolstva Biełarusi ŭ Indyi); (8 10 977 1) 4785 839, (8 10 977 1) 4785 840 (sakrataryjat hanarovaha konsuła Biełarusi ŭ Niepale); (8 10 9771) 441 2155, (8 10 9771) 441 1063, (8 10 977) 980 104 7187 (pasolstva Rasii ŭ Niepale); (8 10 977 1) 4200258, (8 10 977 1) 2400105, (8 10 977 1) 4200203 (haračaja linija Nacyjanalnaha centra pa nadzvyčajnych apieracyjach Niepała).
Nahadajem, u vyniku padziemnych šturškoŭ, samych mocnych za apošnija 80 hadoŭ, u Niepale zahinuła, pavodle apošnich źviestak, kala 4 tysiač čałaviek.
Čytajcie taksama: Biełarusam admovili ŭ evakuacyi ź Niepała na biaspłatnym samalocie dla jeŭrapiejcaŭ
